Museums en gallerye

 

Synde die toegang tot Cité internationale des arts deur die bemiddeling van een of ander kunsbelangstelling en/of -aksie is, doen ons selektief aan by kunsgallerye en -museums. Die kuns in verskeie van die kleiner gallerye, wat terloops ontdek word, is regtig uitsonderlik. Die groter uitstallings lewer natuurlik werke van internasionaal bekende kunstenaars en groot tydelike uitstallings word dikwels in toegewysde lokale in die bekende ruimtes aangetref.

Op die rugkant van die toegangskaartjie word etlike Paryse museums en gallerye aangetoon.

Besoekpunte

Musée de l'Orangerie

Hierdie bekende museum huisves die uiters groot werke van Monet – muurpanele wat die vertrek se mure versier. 

Ander bekende en beduidende werke in die kunswêreld word ook uitgestal.

‘n Spesiale uitstalruimte word vir die kunstenaar-kurator Berthe Weil gereserveer:

Berthe Weill - Musée de l'Orangerie 

Dié, dikwels omstrede kustenaar-kurator, het die deure en geleenthede vir ‘n verskeidenheid kunstenaars oopgemaak. En ook dit was dikwels in omstredenheid gehul.

Foundation Louis Vuitton (Fondation Louis Vuitton) word in die Bois de Boulogne aangetref in die Jardin d’ acclimatation Jardin d'acclimatation (Paris) — Wikipédia

Hierdie uitsonderlike gebou (indien ‘n mens so ‘n prestasie as net ‘n gebou kan oproep) huisves by hierdie geleentheid die spesiale uitstalling van Gerhard Richter. Baie groot en diverse werke kan in die aaneenlopende sale besigtig word.

 Paintings » Gerhard Richter

Home | Bourdelle

Bourdelle Museum is van die kleiner studio-ateljees wat besoek word, maar die werke is allermins klein! Die uitermate skaal waarop dié kunstenaar gewerk het, verstom ‘n mens. Dit is ook een van die museum-gallerye met die beste uitleg en oriëntasie vir die besoeker, myns insiens.

   

Antoine Bourdelle se treffende werke, asook die vindingryke manier waarop sy werkswyse aan die besoeker bekendgestel word, maak die besoek ‘n interaktiewe en kreatiewe belewenis.

Musée de la Mode Palais Galliera, musée de la Mode de la ville de Paris — Wikipédia

In die pragtige Palais Galiera is tans ‘n toegewysde uitstalling van die ontwerper Rick Owens te besigtig. Hy verklaar: “The clothes I make are my autobiography. They are the calm elegance I want to get to and the damage I’ve done on the way. They are an expression of tenderness and raging ego. They are an adolescent idealization and it’s inevitable defeat.”

Rick Owens, Temple of Love | Galliera

Alhoewel ek en Karien nie juis ‘n besondere aanklank met hierdie uitstalling ondervind het nie, is die besoekersboek gevul met bewonderende en aanprysende aanhalings.

Musée d'Art Moderne de Paris |

Hierdie groot museum huisves 'n verskeidenheid van kunswerke van vooraanstaande kunstenaars. Met die intree tot die groot kamers van dié instelling, word jy begroet met reuse panele deur Henri Matisse, Raoul Dufy, Pierre Bonnard en andere.

Die verskeidenheid is noemenswaardig - en soms eienaardig ...

George Condo. George Condo - Wikipedia  Vanaf 10 Oktober 2025 tot 8 Februarie 2026 word 'n area in die museum gereserveer vir die uitstallings van George Condo se werke. Hierdie kunswerke van uiteenlopende aard en omvang neem 'n groot deel van die ruimte in beslag. Hy skilder met en betrek verskillende media om 'n omvangryke oevre te lewer.

Die kunswerke doen werklik 'n beroep op die toeskouer se openheid, visie en kreatiewe denkprosesse.